சூதாடிய வழக்கில் அ.தி.மு.க ஒன்றிய செயலாளருடன் தி.மு.க ஒன்றிய செயலாளர்கள் கைது
கரூர் மாவட்டத்தில் பணம் வைத்து சூதாடியதாக அ.தி.மு.க ஒன்றிய செயலாளருடன் தி.மு.க ஒன்றிய செயலாளர்கள்
- உள்ளிட்ட 22 பேரை போலிஸார் அதிரடியாக கைது செய்தனர்.
- கரூர் மாவட்டம் அரவக்குறிச்சியில் நண்பர்கள் மனமகிழ் மன்றம் என்ற
- பெயரில் லட்சக்கணக்கில் பணம் வைத்து சூதாட்டம் நடந்துவருவதாகவும்,
- இதில் ஆளுங்கட்சி மற்றும் தி.மு.க வைச்சேர்ந்த அரசியல் புள்ளிகள்
- ஈடுபடுவதாகவும் இது தெரிந்தும் உள்ளூர் போலிஸார் எந்த நடவடிக்கையும்
- எடுக்காமல் உள்ளனர் என மாவட்ட கண்காணிப்பாளருக்கு தொடர் புகார் சென்றது.
இதன் அடிப்படையில் மாவட்ட காவல் கண்காணிப்பாளர் ஜோசி நிர்மல் - குமார், ஏ.எஸ்.பி இளங்கோ உள்ளிட்ட போலிஸார் நேற்று சம்பந்தப்பட்ட மனமகிழ் மன்றத்தை திடீர் முற்றுகையிட்டனர்.
- அப்போது அங்கு சூதாடிக்கொண்டிருந்த ஈரோடு மாவட்டம் கொடுமுடியை ஒன்றியத்தைசேர்ந்த அ.தி.மு.க ஒன்றிய செயலாளர் கே.பி. சந்திரசேகரன், மற்றும் அரவக்குறிச்சி ஒன்றிய தி.மு.க செயலாளர் மணியன், தாந்தோணி தி.மு.க ஒன்றிய செயலாளர் ரகுநாதன் உட்பட 22 பேரை கைது செய்து அவர்களிடமிருந்து ரூ 6 லட்சத்து 80 ஆயிரத்தை பறிமுதல் செய்தனர்.
- கைது செய்யப்பட்ட 22 பேரும் கரூர் டவுன் போலிஸ் ஸ்டேசனுக்கு கொண்டுவரப்பட்டு வழக்கமான நடைமுறைகளுக்கு பின்னர் வழக்கு பதியப்பட்டது.
- பொங்கல் நாளில் தி.மு.க அரசியல் புள்ளிகளுடன் அ.தி.மு.க அரசியல்வாதியும் சேர்த்து கைது செய்யப்பட்டது ஆளுங்கட்சியை சேர்ந்தவர்களை அதிர்ச்சிக்குள்ளாக்கியுள்ளது.
- குறிப்பு: கரூர் நகர காவல் நிலையத்துக்கு அரவக்குறிச்சியில் கைது செய்யப்பட்டவர்களை போலிஸார் தனிவாகனம் வைத்து கொண்டுவந்தனர்.
- அப்போது ஒவ்வொருவராக வாகனத்தில் இருந்து இறங்கி ஸ்டேசனுக்குள் சென்றனர். எந்தவித பதட்டமும் இல்லாமல் பலர் ஸ்டேசனுக்குள் சென்றபோது கொடுமுடி ஒன்றிய அ.தி.மு.க செயலாளர் சந்திரசேகரன் தனது தலையை குனிந்தபடி ஒரு கையில் வேஷ்டியை தூக்கி பிடித்துக்கொண்டு வேகமாக சில நொடிகளுக்குள் மின்னலாக ஸ்டேசனுக்குள் ஓடி மறைந்தார். கேமராக்களின் கண்களுக்குள் பட்டுவிடக்கூடாது என்ற எண்ணத்தில் அவர் ஓடியபோதும் கெட்டிக்கார வீடியோ கிராபர் ஒருவர் அதனை படம் பிடித்துவிட்டார்.
கருத்துகள் இல்லை:
கருத்துரையிடுக